Balti -barcha chouk- 

 

Paroles:

اللي يطيح بن يديهم يا حليلو
Only God Can judge Me
ربي وحدو اللي حاسبني
ناس تهدم في ناس تبني
إستغفر الله تقول يهود حسود
يتلمو بيك كيما الجيفة اللي داير بيها الدود
على شوية سوكسي تمناولك تموت
مخاخ مريضة 90 بالمية سقوط
لازمك فكسنسيون تخاف لا مرضهم يعديك
تحسبلي خمسة في عينيك ربي يهديك
تونس غارقة في الغرم جرت ناس كيما هذومة
البدن كي البشر أما ريوسهوم كي البومة
إذا فرحت يبكيولك إذا بكيت يفرحولك
إذا كسبت يحسبولك إذا تحط يحفرولك
دورنا على بعضنا كيما الهوتو و التوتسي
ناس كيما هذيا ما تشرفشي تكون تونسي
قلوبهم معبية بالزبلة كيما سطل بوبال
والحقد بين بعضنا كبير كي لجبال
عملتو الفضح سور فيسبوك
حتى البراني ضحك علينا يا تونسي تونسي عدوك
خايف لا يولي سلاح بين بعضنا يدور
ولا رانا قتلنا بعضنا والذيب على النعجة يغور
برشة كره مخبي إليوم طاحوا لي ماسك
وين كان مخبي اللي كان يدور في راسك
تمنيت برشة ناس بكاكش باش ما نسمعش اش يحكيو
خلي كرهم في قلوبهم تي خليهم يبكيو
تمنيت نكون براني باش يضويو
تحت ساقين البراني تابي روج يوليو
ولد البلاد ماشي في الساقين
اللي حكم البلاد زرع فيها برشة طحين
هو زرع واحنا نحصدو
تعلمنا كان نحسدو
قعدنا طول عمارنا نحسبوا
تحس روحك غريب في بلاد النفاق
إليوم معاك أما غدوة كيف طيح يعفس فيك بساق
لازمك منافق في بلاد النفاق
بعد الثورة كلها ولات ابطال بالبزاق
شكون اللي ضدك شكون اللي معاك ما عادش تفرق
تي الكلها كانت تصفق اغسل يديك بالماء فرق فماش ما يديك تنظاف
انتوما اللي هلكتوا البلاد تونس قتلتوها وفسختو البصمات
ولينا كليكات كليكات ولينا احزاب احزاب
فما صيودة فما نسورا فما غربان فما كلاب
رد بالك تغرق في واد الذئاب
كلها مكشرة لنياب ياكلوك ني من غير طياب
كلها تستنالك فيها تابا درو ألا اشك
ما تخافش ما دام أمك تدعيلك في كل صلاة
ربي حسيب كل انسان سبك وذمك
مضمض بالماء فرق قبل ما تقول إسمي على فمك